Friday, September 1, 2017

മോഹങ്ങൾ....

കഅബ ഷെരീഫിന്റെ
കില്ലകൾ ചുംബിച്ചു
കൊതി തീരാത്തൊരു
തെന്നലായെന്നും -

പുണ്യം നിറഞ്ഞുള്ള
ഹറമിന്റെ  ചുറ്റും
നിത്യം ത്വവാഫിൽ
മുഴുകുവാൻ മോഹം ...

നാഥാ നിൻ വിളിക്കുത്തരം
നൽകുവാൻ
കാത്തിരിപ്പാണ് ഞാൻ
കർമ്മഭൂവിൽ ...

ലബ്ബയ്ക്കയോതുന്നു
ഖൽബിലെ പാട്ടുകാർ
തുടിക്കുന്നു നെഞ്ചകം
കൂട്ടത്തിലെത്തുവാൻ .....

പ്രാണന്റെ
പ്രാണനാമെന്റെ
റസൂലിന്റെ
ശബ്ദം മുഴങ്ങിയ
വീഥികൾ കാണണം...

സഫ മർവ കുന്നിൽ
പാദം പതിച്ചെൻറെ
സിരയിലൂടൊഴുകണം
ഓർമ്മ തന്നരുവികൾ...

ഒരു പിടി മണലെനന്റെ
കയ്യിലെടുത്തു ഞാൻ
ആർദ്രമായ് ചോദിക്കും
നിനക്കെന്തു ഭാഗ്യങ്ങൾ
എന്തെന്തു ഭാഗ്യങ്ങൾ ....

ഏതേതു പാദങ്ങൾ
നിന്നിൽ  പുളകമായ്
ഏതേതു രംഗങ്ങൾ
നിന്നിൽ ഹർഷമായ്

എന്റെ ബിലാലിനെ
പൊള്ളിച്ച സങ്കടം
മധുരമാം ബാങ്കൊലി
ദൂരെയെറിഞ്ഞില്ലേ .....

പിന്നെയെൻ മക്കയെ
പിരിയുന്ന മുൻപേ
പിരിയുന്ന
പ്രാണനാണെന്നുമെൻ
സ്വപ്നം

No comments:

Post a Comment

ഇന്നലെകളിൽ നിന്ന്

പണ്ട് നാട്ടുപാതയുടെയോരത്ത ' ആളേറുന്ന നേരത്ത് നാൽക്കാലികളാവുന്ന ഇരുകാലികൾ ഏറെയുണ്ടായിരുന്നു.... പോലീസ് ശിവേട്ടൻ കോലായി...