നവാസ് അത്തോളി
(ആണ്ടുകള്ക്കപ്പുറത്തൊരു
ബലിപെരുന്നാള്ദിനത്തില്സദ്ദാംഹുസൈ
ന്തൂക്കിലേറ്റപ്പെട്ടപ്പോ ള്എഴുതിയ കവിത
ഈ ബലി പെരുന്നാള് ദിനത്തില് ...)
സമാധാനപ്പല്ലി
ഇനി,
നമുക്ക് നേരെയായിരിക്കും....
ഭൂലോകസമാധാനമാകെ-
താങ്ങിനിര്ത്തുന്നത്
താനാണെന്നമട്ടില്
ഒരു തെരഞ്ഞെടുപ്പ് നാണക്കേടിന്റെ
മേല്ക്കൂരയില് കയറിനിന്ന്
ഈ ഭീകരന്
നാക്കുനീട്ടാന് തുടങ്ങിയിട്ട്
നാളുകളേറെയായി.
നാണമില്ലായെന്ന്
നാണിക്കുവാന് പോലുമാവാതെ
നാമിരിക്കുമ്പോള്
ഇവറ്റകള് തലയ്ക്കുമുകളില്
നൃത്തമാടുക തന്നെ ചെയ്യും.
ചാണക്യസൂത്രങ്ങളറിയുന്നയീ-
പല്ലിയിന്നലെ,
നാവില് കൊടിയ വിഷം പുരട്ടിയൊരു
സിംഹത്തിന്റെ മുറിവില് തൊട്ടതിനെ-
കൊന്നുവത്രെ...!!
പക്ഷെ
കൊന്ന പാപവുംമാംസവും
തിന്നു തീര്ക്കാനാവാതെ
വലഞ്ഞുവത്രെ....
വലയുമത്രെ...
അല്ലെങ്കിലും
ഒരു പല്ലിക്ക്
ഒരു സിംഹത്തിനെയെങ്ങിനെ.....?
ഇവന്റെ കുലത്തില്
ഇവനെക്കാളെത്രയോ
ഉഗ്രരായിരുന്ന ദിനോസറുകള്
ഭൂമിയില് മദിച്ചതും
തുടച്ചു,തുടച്ചു നീക്കപ്പെട്ടതും
ഇവനറിയാതിരിക്കുമോ....
ഇവനെയറിക്കാതിരിക്കുമോ......
കവിത തരക്കേടില്ല....ഉത്തരത്തെ താങ്ങുന്നത് താനാണന്ന് ഒരു പക്ഷെ പല്ലിക്ക് അഹംഭാവം കണ്ടേക്കാം...പക്ഷെ ഈ കവിതയ്ക് ഈ തലക്കെട്ട് ഒട്ടും യോജിക്കുന്നില്ല
ReplyDeleteനന്നായിരിക്കുന്നു മാഷേ..
ReplyDeleteഇന്നാണിത് വായിക്കുന്നത്.
ReplyDeleteഎന്ന് വായിച്ചാലും സാംഗത്യം ഒട്ടും കുറയുന്നില്ല.