അറിവ്‌

അറിയുക പിന്നെയുമറിയുകയീ

വേവും നോവുകള്‍  നോവല്ല ....

ദിനരാത്രങ്ങളുരുകിയൊലിച്ചീ-

കാലത്തിന്നള നിറയുമ്പോള്‍

നൂലായ് പിന്നെയുമെത്തുന്നു

കരളു പിളര്‍ക്കും വേദനകള്‍

മെഴുതിരിപോലെയെരിയുന്നു

ഞാന്‍ മനമുരുകുന്നു പാടുന്നു

ഓരോ പുലരിയുമെരിയും വേനല്‍

കടലായ്‌ മുന്നില്‍ നിറയുമ്പോള്‍

അണയുന്നിരവുകള്‍ മരുഭൂവാക്കാന്‍

ക്രൌര്യത തിന്നുതുടുത്ത പകല്‍

പ്രിയമൊരു പാട്ടിന്നോര്‍മകള്‍ പോലും

പരതിയെടുക്കാന്‍ തന്നീടാതെ

പിടിച്ചു വലിച്ചു ഞെരിക്കുകയാണെന്‍

ചേതനയെയൊരു  ചെന്നായ്‌കൂട്ടം

അറിയുക പിന്നെയുമറിയുകയീ

അറിയും നോവുകള്‍  നോവല്ല ....

മെഴുതിരിപോലെയെരിയുന്നു

ഞാന്‍ മനമുരുകുന്നു പാടുന്നു